BEUDOH BANGSA LON


Bagian I


Salam ’alaikum rakan meutuah

Jaroe dua blah ateuh jeumala

Saleum lon peu ek ngen hate ikhlas

Beu neuget balah harap lon teuka

Nibak uroe nyo rakan meutuah

Lon cuba peugah meusikrek haba

Haba peuingat rakan meutuah

Cara tapapah naggroe mulia

Hancoe lam hate reuloh lan jantong

Seudeh rakan lon han ek so kira

Lon kalen nasib bangsa di ulon

Semenjak jameun sampoe nyo teuka

Ban lheuh kerajeun Aceh lhe sagoe

Han soe ek puwo Aceh beujaya

Haba endatu hana so pako

Le peujioh droe sueroh agama

Wahe rakan lon beule ta ingat

Jasa hazarat pahlawan bangsa

Ka syahid lam prang bak bela naggroe

Supaya Aceh nyoe  sabe lam jaya

Jinoe ta ingat oeleh geutanyoe

Seubagoe cuco Iskandar Muda

Beu ’ek tapapah nanggroe Aceh nyoe

Supaya makmoe rakyat sejahtera

Peminpin Aceh beule ingat droe

Nasib bangsa nyoe bak jaroe gata

Beu get neu papah bangsa Aceh nyoe

Udep beu makmue rakyat sejahtera

Nangroe ban tubit lam konflik panyang

Teunte rintangan le tha meuhala

Beu bijak sana bak neumeuato

Bek le na karu nanggroe mulia

Saboh peukara kamoe meulake

Jujoe ngen ade beuna bak gata

Neu jok jabatan bak ureung yang jroh

Pancuri tujoh bek neupeucaya

Keu waki rakyat yang kamoe pileh

Hate neuh begleh pike keu bangasa

Bek awai pike keu aso prut droe

Rakyat dikamoe cukop sengsara

Lam masa konflik awai dikamoe

Rap tiptiep uro ka keunong tampa

Ngen uram bude ka keunong bak dho

Lheu nyan digilhe lam kubang raya

Seudeh that hate bak kamoe ingat

Bak peuseulamat penjuang bangsa

Jinoe digata hudep ka mangat

Beule that ingat keu kamoe dumna.

Penulis : Aiyub Ilyas

Mahasiswa Master Kesehatan Jiwa

HUC Norwegia

Tinggalkan komentar

Belum ada komentar.

Comments RSS TrackBack Identifier URI

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s

  • Kalender

    Desember 2009
    S S R K J S M
         
     123456
    78910111213
    14151617181920
    21222324252627
    28293031  
  • Statistik Blog

    • 2,619 hits